Неизвестен - Хала дий-те вала лак уздеча?

Хала дий-те вала, лак уздеча?
Хала дац-те, чехка са д1а-м къаст.
Х1етта из ара ца доалаш шийла хилча.
Муш тесса чов я, 1увдаш латт.

Хьана моттар массанаьра лоархаш,
Дади, нани, к1алхабусаргба.
Унхой болаш хиг1 а хьагаш.
Ишта 1оажал хинна уж лергба.

Бехк бий – те берий дунет1а кхеллач.
Наьна а даь а цунца безам ба.
Хьанал ваха хьоцар доах цар!
Уж моастаг1ий баь паччахьа ва.

Хьана моттар берах къайланз боабо.
Нах а хьайбаш ишта хьал йиш-м яц?!
Эггара ч1оаг1а хьат1аэцаш дего,
Бераца нана ях саг д1акъаст.

Хала дий-те вала,лак уздеча?
Хала дац-те, чехка са д1а-м къаст.
Вешт фо ца тоаш, шийла хилча
Амм ара хала доалаш 1увдаш латт.

Хьана моттар ишта къиза хал мег бала,
Моастаг1 Даьлаг1 ваьнна хургва.
Берах йола къона нана.
Лайца б1аьсте яшаргья.

Хала дий-те вала, лак уздеча?
Ва нах, из в1алла хала дий?
Шайтаца новкъост 1аьдал хилча,
Цул вог1а х1ама в1алла хала йиш йий?!